Қарағанды облысының мәдениет, архивтер және құжаттама басқармасының
«Сәкен Сейфуллин атындағы Жаңаарқа аудандық тарихи-өлкетану музейі» КМҚК
Қарағанды облысының мәдениет, архивтер және құжаттама басқармасының «Сәкен Сейфуллин атындағы Жаңаарқа аудандық тарихи-өлкетану музейі» КМҚК ҰОС ардагері, тарих мұғалімі болған Д. Ізтөлеуовтың бастамасымен және сол кісінің жеке еңбегімен 1960 жылдардан бастап аудан тарихынан жәдігерлер жинала бастады. Алайда музей 1984 жылы ресми түрде ашылды.
Музейде басшы болған азаматтар: 1984 – 1993 жылдары Манат Қасенова, ал 1993 жылдың соңынан 1994 жылғы тамыз айына дейін Бақтияр Көшмағанбетов басшылық етті. 1994 жылғы 10-ші қазаннан 2006 жылғы тамызға дейін Хамит Дәрібаев. 2007 жылдың 17 қаңтарынан осы уақытқа дейін музей басшысы Аманов Зәмзәм Мияшұлы.
Музейдің мақсаты: Жаңаарқа елінің, жерінің тарихын жан – жақты зерттеп, елдің тіршілігіне байланысты қол өнер дүниеліктерін, түрлі заттарды жинап сақтау, ел игілігіне – болашақ ұрпаққа үлгі өнеге ретінде көрсету. Ұлы адамдар өмірін, олардың әдебиет пен мәдениетте қалдырған іздерін, шексіз ерліктерін, данышпандықтарын жұртқа жария ету.
Музей 4 бөлімнен тұрады.
- «Дәстүрлі бұйымдар және туған жер» залы
- «Сәкен Сейфуллиннің өмірі мен шығармашылығы» залы
- «Жаңаарқа тарихы» залы
- «Даланың Дара тұлғалары» залы
Музей көлемі- 301,1 ш.м, оның ішінде экспозициялық көрме залдары – 230,5 ш.м.
